Ինչպես ավելի վաղ հայտնել էինք, «Հայկական վերածնունդ» կուսակցության կենտրոնական գրասենյակում այսօր կազմակերպվեց «Հասարակական կազմակերպությունների մասին» ՀՀ օրենքի նախագծի քննարկում, որին մասնակցեցին մի շարք ՀԿ-ների նախագահներ` ներկայացնելով նախագծի շուրջ մտահոգությունները:
«Այս նախագիծը եւս մեկ մահակ է հասարակական կազմակերպությունների գլխին: Ես, որպես ՀԿ, իրավունք ունեմ Կառավարությունից պահանջել վերջինիս ստացած բոլոր դրամաշնորհների հաշվետվությունը: Իսկ եթե ես դրսից դրամաշնորհ եմ ստանում, ինչո՞ւ պետք է Կառավարությանը հաշվետվություն ներկայացնեմ: Կառավարությունից ոչ գրասենյակ եմ ստացել, ոչ էլ կոմունալ վճարումները: Մեզ ասում են գրանտակեր, բայց այսօր ամենամեծ գրանտակերը Կառավարությունն է, ամենամեծ գրանտներն ինքն է ուտում»,-դժգոհեց «Սուրբ Սանդուխտ կույսի անվան տիկնանց միություն» ՀԿ նախագահ Արտեմիս Լեփեջյանը:
ՀՀ Արդարադատության նախարարության Օրենսդրության զարգացման և իրավական վերլուծությունների վարչության պետ Բագրատ Ղազինյանն ի պատասխան ասաց, որ պետության ծախսերն ամրագրված են պետական բյուջեում. «Ամբողջ գործընթացը հրապարակային է եւ ցանկության դեպքում Դուք կարող եք ծանոթանալ դրան»:
Տիկինը նաեւ հետաքրքրվեց, թե ինչպես են կարգավորվելու ՀԿ-ներում ներգրավված կամավորների աշխատանքային պարտավորությունները: Ղազինյանը տեղեկացրեց, որ ըստ օրենքի նախագծի` եթե կամավորի աշխատանքային պարտականությունները մեկ ամսվա ընթացքում գերազանցում են 5 օրը, նրա հետ կնքվում է աշխատանքային պայմանագիր:
Կարդացեք նաև
Լուիզա ՍՈՒՔԻԱՍՅԱՆ
“ամենամեծ գրանտակերը Կառավարությունն է ” – 100 տոկոսանոց ճշմարտություն: