Պաշտպանության նախարար Սեյրան Օհանյանը անդրադարձավ նաեւ «Մուրացան» կենտրոնական կլինիկական զինվորական հոսպիտալի ղեկավար Արամ Ասատուրյանի հայտարարությանը:
Հիշեցնենք, որ մամուլում տեղեկություն էր տարածվել, որ 2015 թվականի դեկտեմբերում վիրավորված Արմենակ Առուստամյանին հենակներ տրամադրելու համար հոսպիտալում վերցրել են նրա մոր անձնագիրը, իսկ հետո ասել, թե կվերադարձնեն հենակները վերադարձնելուց հետո: Արամ Ասատուրյանը, անդրադառնալով այդ տեղեկություններին, ասել է, որ հոսպիտալը հաշվառված գույք ունի եւ պետք է վերահսկողություն սահմանեն այդ գույքի նկատմամբ:
Լրագրողները նախարարից հետաքրքրվեցին, թե արդյոք չեն պատրաստվո՞ւմ աշխատանքից ազատել մի մարդու, որը քամահրանքով է վերաբերվում եւ ճիշտ է համարում զինծառայողի անձնագիրը վերցնել բուժօգնություն ստանալու համար:
«Եթե հարցը վերաբերվում է զինծառայողի անձնագրին, մենք այդ խնդիրը պարզաբանել ենք ու տվյալ անձը կպատժվի: Բայց մենք նաեւ պետք է հասկանանք, որ այսօր բանակի ռազմաբժշկական վարչությունը ընդհանուր մեր առողջապահության համակարգի շրջանակներում ուղղակի հրաշքներ է գործում»,- ասաց Սեյրան Օհանյանը:
Կարդացեք նաև
Ամի ՉԻՉԱԿՅԱՆ
