«Տեղի ունեցածն ինքնին պրոբլեմ է։ Ընդ որում, ոչ թե պրոբլեմ է ադրբեջանցի զինվորի մոլորվելն ու անցնելը, այլ պրոբլեմ է այն, որ ինքը կրակել է, վնասել է քաղաքացուն, մարդկանց տուն է մտել։ Ես ասում եմ՝ եթե այդ ամեն ինչը չլիներ, մենք հենց նույն օրը զինվորին կվերադարձնեինք Ադրբեջանին»,- կառավարության այսօրվա նիստից հետո լրագրողներին ասաց Նիկոլ Փաշինյանը։
Նա նշեց, որ չի կարծում, թե սա այն հարցն է, որը «խաղաղության գործընթացը» պետք է վտանգի։ Նա դարձյալ մեղադրանքի սլաքներն ուղղեց հայաստանյան ընդդիմության կողմը։ «Ես երեկվա խորհրդարանի քննարկումից սարսափած եմ, որովհետեւ ասում եմ՝ Աստված չանի, մեր մի զինվոր շփոթված անցնի, այս բոլոր քննարկումների, այդ ոչ ադեկվատ հայտարարությունների արձագանքը մենք այդ իրավիճակում ենք տեսնելու։ Այն ժամանակ ասելու եք՝ բա սա՞ է խաղաղությունը։ Ես հույս ունեմ, որ մեր զինվորի հետ նման բան տեղի չի ունենա»,- ասաց Փաշինյանը։
Մանրամասները՝ տեսանյութում
Կարդացեք նաև
Անդրադառնալով ՀՀ տարածքում հանցագործություն գործած ադրբեջանցի զինծառայողի հնարավոր արտահանձնման հարցին՝ Փաշինյանն ասաց․ «Այդ ի՞նչ արտահանձնման թեմա է, այդպիսի թեմա ընդհանրապես չկա, մենք չենք քննարկում»։ Նա ասաց, որ Ադրբեջանից եւս արտահանձնման պահանջ չկա։
Մանրամասները՝ տեսանյութում
Ամբողջական տեսանյութը՝ այստեղ
Ռոզա ՀՈՎՀԱՆՆԻՍՅԱՆ
