Վրաստանի պաշտպանության նախարար Թինաթին Խիդաշելին մեկնել է Աֆղանստան և այցելել զինվորական այն բազաները, որտեղ ծառայություն են իրականացնում վրաց զինվորականները։ Այս մասին տեղեկացնում է Грузия Online լրատվականը։
Ուշագրավ է, որ Վրաստանի պաշտպանության նախարարն Աֆղանստան է այցելել մի ժամանակ, երբ ակտիվ աշխատանքներ են տարվում Վարշավայում կայանալիք ՆԱՏՕ-ի գագաթնաժողովի անցկացման համար։
Այցելության նպատակների մասին խոսել է նախարար Խիդաշելին. «Մենք նախաձեռնել ենք մեր այցն Աֆղանստան։ Ամեն փոխանակման ժամանակ մենք աշխատում ենք ժամանել Աֆղանստան, որպեսզի տեսնենք տղաներին և տեղում ծանոթանանք, թե ինչ առաջադրանքներ են դրվել նրանց առջև, կա՞ արդյոք որևէ խնդիր, թե՞ ոչ։ Դրանից բացի, մենք հանդիպում ենք նաև գեներալներին, որպեսզի քննարկենք առաջադրանքները»։
Կարդացեք նաև