Գերմանիայի ներքին գործերի նախարար Գյունթեր Քրինգսն անդրադարձել է 2016թ. հունիսի 2-ին Գերմանիայի խորհրդարանում Հայոց ցեղասպանության ճանաչման մասին նախագծին կողմ քվեարկած թուրքական արմատներ ունեցող 11 պատգամավորի հասցեին հնչող քննադատություններին։ Այս մասին տեղեկացնում է թուրքական «Հյուրիեթ» պարբերականը։
Գերմանացի նախարարն ասել է, որ իր երկիրն անհանգստացած է Գերմանիայի խորհրդարանականների հասցեին հնչող սպառնալիքներով։ Նախարար Քրինգսը Գերմանիայում ապրող թուրքերին կոչ է արել չլսել Թուրքիայի նախագահ Ռեջեփ Թայիփ Էրդողանի կատարած հայտարարությունները. «Այս կերպ խոսող և մտածող անձինք չեն ինտեգրվել Գերմանիային և Գերմանիայի արդարադատության համակարգին»։
Գերմանիայի ներքին գործերի նախարարն իր խոսքն ուղղել է իր երկրում ապրող թուրքերին, ասելով, որ այն մարդիկ, որոնք կշարունակեն սպառնալիքներ հնչեցնել խորհրդարանականների հասցեին՝ կարող են խնդիրներ ունենալ Գերմանիայում բնակության համար անհրաժեշտ փաստաթղթերի հետ։
