Պաշտոնը ստանձնելու առաջին իսկ օրը վերջին տարիների Երեւանի գրեթե բոլոր քաղաքապետերը խոստացել են` վերջ կանաչ տարածքների հաշվին շինարարությանը: Նախկին քաղաքապետ Գագիկ Բեգլարյանի օրոք անգամ
ավագանու որոշմամբ հաստատվել են Երեւանի ընդհանուր օգտագործման կանաչ տարածքների պահպանման եւ օգտագործման կանոնները:
Համաձայն դրանց` կանաչ տարածքների վարձակալները պարտավոր են դրանք պահպանել ու խնամել: Օպերայի հրապարակին հարող «Santa Fe» սրճարանի սեփականատերը յուրովի է խնամում ու փայփայում իր սրճարանի տարածքում հայտնված բազմամյա ծառերն ու սիզամարգերը: Սրճարանի նոր` ստորգետնյա ենթակառուցվածքները անցկացնելու համար ծառերի արմատները կտրատվում են, եւ որքան էլ վարպետները աշխատում են զգուշությամբ անել, դրանք շրջանցել, չի ստացվում, նախագիծն անցնում է մայրաքաղաքի համար հարստություն համարվող հսկայական չինարենիների եւ այլ արժեքավոր ծառերի տակով:
Այս ծառերի ճակատագրով մտահոգված բնապահպան Կարինե Դանիելյանը, որի կարծիքով՝ այդ պայմաններում ծառերը չորանալու են, ասում է` որեւէ մեկն իրավունք չունի ծառերն այդ վիճակին հասցնելու:
Թեմայի վերաբերյալ մանրամասները` «Առավոտ» օրաթերթի այսօրվա համարում
Լուսանկարը` ԼՈՒՍԻՆԵ ԲՈՒԴԱՂՅԱՆԻ
Կարդացեք նաև
«Առավոտ»
23.06.2016
Հետո էլ ասում են սովետը լավ չէր…