«Այսօր ունենք խոսքի ազատություն, թեեւ հեռու ենք մեր երազած իրականությունից»,-«Մեդիա Կենտրոն»-ում այսօր հրավիրված քննարկման ժամանակ խոսելով Անկախության 25-ամյակի համատեքստում ՀՀ-ում մարդու իրավունքների պաշտպանվածության մասին, ասաց իրավապաշտպան Վարդան Հարությունյանը:
Ըստ նրա` մեր երկրի նախագահները մեկ նախադասություն պետք է ունենան իրենց նախընտրական ծրագրերում` չխանգարել մարդու իրավունքների կայացմանը. «Եթե իշխանությունը չխոչընդոտի, այդ բնագավառը կզարգանա: Որքան զարգացած է այն, այդքան քիչ լծակներ են պետք լինելու մեր իշխանավորներին, որոնք չեն կարողանում հանդուրժել այլոց ազատությունը»:
Անդրադառնալով «Սասնա ծռերին»` բանախոսը նկատեց. «Չի կարելի զենքով մտնել քաղաքականություն, դա իշխանության մենաշնորհն է: Չարժեր դրա համար արյուն հեղել: Զենքը դրական փոփոխության չի բերում: Կրկնության վտանգ կա, մի բան արեք, որ չկրկնվի»:
Լուիզա ՍՈՒՔԻԱՍՅԱՆ
Կարդացեք նաև
Լուսանկարը` «Մեդիա կենտրոն»-ի
