ԵԱՀԿ Մինսկի խմբի (ՄԽ) համանախագահները պատրաստ են աշխատել Լեռնային Ղարաբաղի հակամարտության կարգավորման շուրջ՝ հանուն կայուն խաղաղության: Այս մասին ադրբեջանական Trend գործակալությանն ասել է ԵԱՀԿ ՄԽ ամերիկացի համանախագահ Ջեյմս Ուորլիքը:
Դիվանագետը հույս է հայտնել, որ համանախագահներին կհաջողվի Համբուրգում ԵԱՀԿ արտգործնախարարների խորհրդի շրջանակներում հանդիպում կազմակերպել Հայաստանի և Ադրբեջանի արտգործնախարարների միջև:
Նրա խոսքով՝ այդ հանդիպմանը կողմերը կարող են քննարկել կարևոր, առանցքային հարցեր, հատկապես Վիեննայում և Պետերբուրգում ձեռք բերված պայմանավորվածությունները կյանքի կոչելու հարցը:
«Մենք շարունակում ենք աշխատել նախագահների հետ՝ հաջորդ գագաթնաժողովը կազմակերպելու համար»,- ասել է Ուորլիքը:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
