Սոֆիայում ընթացող բռնցքամարտի Եվրոպայի կանանց առաջնությունում խայտառակ մրցավարության պատճառով մեկնարկային մենամարտից հետո պայքարից դուրս մնացած 51 կգ քաշային Անուշ Գրիգորյանը ՖԲ իր էջում տեղի ունեցածին այսպես է արձագանքել.
«Շնորհակալ եմ ինձ ոգեւորելու եւ բարին ցանկանալու համար: Ցավոք, պարտվեցի: Մենամարտն անարդար դատելու համար թող գրողի ծոցը կորչեն խարդախ ու անմարդկային մրցավարները, որոնք իրենց ոչ պրոֆեսիոնալ գործողություններով ազդում են մարզիկների հետագայի վրա: Փաստը մնում է փաստ՝ մրցավարներն իրենց սեւ գործը կատարեցին», – գրել է երիտասարդների աշխարհի ու Եվրոպայի չեմպիոնը:
Իսկ Armsport-ի հետ զրույցում ասել է հետեւյալը. «Ինչպե՞ս կարող է մի մրցավարն առավելություն տալ ինձ՝ 40:36 հաշվով, մյուսը՝ 38:38, մեկ այլը՝ 37:39: Չեմ հասկանում, իրենք նստած հետեւում են մենամարտի՞ն, թե՞ ոչ, կամ, էլ, միեւնույն է, թե ում հետ ինչ կլինի»:
Աշոտ ՀԱԿՈԲՅԱՆ
Կարդացեք նաև
Լուսանկարը՝ Անուշ Գրիգորյանի ՖԲ էջի
