ՕԵԿ պատգամավոր Հովհաննես Մարգարյանը հայտարարել էր, որ շուտով բացահայտելու է Գյումրիի հուդաներին: Ի պատասխան՝ Շիրակի մարզպետն ասել էր, որ Հուդան իր իմանալով մեկն է եղել, այն էլ՝ Շիրակի մարզում չի եղել:
Այսօր ԱԺ ճեպազրույցների ժամանակ մենք հետաքրքրվեցինք՝ ե՞րբ եք բացահայտելու հուդաներին եւ ում մասին է խոսքը: Հովհաննես Մարգարյանը պատասխանեց, որ ինքն էլ գիտի, որ միակն է եղել Հուդան, պարզապես դավաճաններին նկատի ունի. «Իսկ դավաճանները չեմ կարծում, որ մեկն են: Հունվար ամսին դատաքննությունը սկսելու է: Ես դիմել եմ դատարան, որպեսզի իմ անձի հետ կապված այդ ճղճիմ զրպարտությունը վեր բարձրացնեմ եւ այն վիրավորանքը, այն տեսանյութը, որ տարածվեց, բոլոր փաստարկները կա, որ ակնհայտ նենգություն էր իմ անձի նկատմամբ, իրականության հետ ոչ մի աղերս չուներ: Բոլորիդ աչքերի մեջ նայելով՝ ասում եմ՝ ես որեւէ գործով որեւէ անգամ դատապարտված եմ եղել»:
Հռիփսիմե ՋԵԲԵՋՅԱՆ
