Մադրիդի հնամյա Պուերտա դել Սոլ հրապարակում մի քանի օր շարունակ հարսնացուների կամ իբրեւ հարսնացու զգեստավորված աղջիկների խմբերի հանդիպեցինք: Փեսացուները, սակայն, չէին երեւում: Թե ինչ էին անում այդքան հարսնացուներ Մադրիդի գլխավոր հրապարակում՝ պարզ չէր: Ամեն դեպքում գեղեցիկ էր նրանց ներկայությունը Պուերտա դել Սոլում, որ թարգմանաբար նշանակում է «արեւային դարպասներ»:
Իմիջիայլոց, այս հրապարակը ոչ միայն Մադրիդի, այլեւ ողջ Իսպանիայի կենտրոնն է: Այստեղ է գտնվում, այսպես կոչված, «զրոյական կետը», որտեղից սկիզբ են առնում Իսպանիայի բոլոր ճանապարհները:
Ասում են` առաջին անգամ Պուերտա դել Սոլ հրապարակում է տեղադրվել Մադրիդում առաջին գազային լամպը, այստեղից են իրենց երթուղին սկսել առաջին հանրակառքն ու տրամվայը: Իսկ 1919-ին Պուերտա դել Սոլի տակով անցկացվել է քաղաքային մետրոյի առաջին գիծը:
Լուսանկարը`
ԳՈՀԱՐ ՀԱԿՈԲՅԱՆԻ
Կարդացեք նաև
«Առավոտ»
30.11..2016
