2016 թվականի վերջում Ապարանում սկսվել է 44 բնակարանով բազմաբնակարան շենք կառուցվել, քաղաքի Բաղրամյան 43 և Նժդեհի 7 հասցեներում գտնվող 4-րդ կարգի վթարային շենքերի բնակիչների համար: Այս նպատակի համար պետբյուջեից 840 միլիոն դրամ է հատկացվել:
Ապարանի քաղաքապետարանի տեղեկացմամբ, Ապարանում վերջին անգամ բազմաբնակարան շենք է կառուցվել 30-35 տարի առաջ, իսկ նոր շենքի կառուցումը Սերժ Սարգսյանի 2008 թվականի նախընտրական խոստումներից է: Միաժամանակ, ըստ քաղաքապետարանի, շենքի շինարարությունը նշանակում է, որ «Ապարանի քաղաքապետ Գոռ Աբրահամյանի երկար տարիների հետևողական աշխատանքը և համառությունը վերջապես պսակվեց հաջողությամբ»:
Կարդացեք նաև
Ստացվում է, որ 2008-ից այսկողմ Գոռ Աբրահամյանը պարբերաբար հիշեցրել է Սերժ Սարգսյանին տված խոստումը եւ համոզել կատարել այն եւ 9 տարում հասել հաջողության:
Նելլի ԳՐԻԳՈՐՅԱՆ