ՊԵԿ ղեկավար Վարդան Հարությունյանից այսօր ասուլիսում ստվերի կրճատման մասին ցուցանիշը հրապարակելուց հետո, ըստ որի խոշոր տնտեսվարողների մոտ ստվերը 48.8 տոկոսից նվազել էր` դառնալով 33,2 տոկոս, լրագրողները հետաքրքրվեցին, թե այդ ինչ մեխանիզմներով են հաշվել նախ` որքան է եղել ստվերը եւ այժմ որքան է:
Բացի այդ պարոն Հարությունյանին հիշեցրին ոլորտի նախկին պաշտոնյաների ասածները, երբ ստվերի վերաբերյալ հարցերին մշտապես պատասխանել են, թե ստվերը հաշվելու մեխանիզմներ գոյություն չունեն:
Վարդան Հարությունյանն ասաց, որ ստվերը բացահայտելու հաշվարկման մեխանիզմը ՊԵԿ-ը գտել է եւ այն չեն թաքցնում, կներկայացնեն հասարակությանը:
ՊԵԿ ղեկավարն ասաց. «Եթե դուք ուզում եք բացարձակ թվեր, դրանք հնչեցնելն, իհարկե, սուբյեկտիվ է: Հաշվարկման մեխանիզմը շատ պարզ է, տրամաբանական է, որի արդյունքում էլ այսօր մենք ունենք հարկային մուտքերի կտրուկ աճ: Լինելով հասարակության անդամ, այսօր որեւէ մեկը չի կարող ասել, որ հարկային տեռոր է, սա ուղղակի վարչարարություն է, որը տրամաբանության մեջ է արվել: Մենք թիրախավորված գտել ենք այն ստվերային ուղղությունները որտեղ ունենք ռեզերվ եւ այդ ռեզերվներով սկսել ենք աշխատել»:
Մանրամասները` տեսանյութում
Լուսինե ԲՈՒԴԱՂՅԱՆ
