«Ընտանեկան բռնությունն իր պատճառներն ունի՝ նրանք ծանր սոցիալական պայմաններում են ապրում, մարդիկ են, որոնք ունեն կրթական եւ մշակութային ցածր մակարդակ»,-այսօր «Հենարան» ակումբում նման կարծիք հայտնեց հոգեբան Գեւորգ Եղյանը:
Հոգեբանի ներկայացմամբ՝ նաեւ բռնություն է կիրառվում երեխաների նկատմամբ, որոնք դեռ չեն ծնվել. սա հանգեցնում է տարբեր տեսակի խնդիրների, այդ թվում նաեւ հոգեկան խանգարման:
Եղյանի կարծիքով՝ ընտանեկան բռնության կանխարգելման մասին օրենքի ընդունումն անհրաժեշտություն է, եւ զարգացող երկրները պետք է ունենան նման օրենսդրություն: Այս իմաստով, ըստ հոգեբանի, հասարակական կազմակերպությունները պետք է համագործակցեն իրավապահ մարմինների եւ պետական համապատասխան գերատեսչությունների հետ:
Եղյանը նաեւ աշխատանքային փորձ ունի Կանադայում: Նա որոշ զեկույցների տվյալների հիման վրա ասաց, որ Հայաստանի վիճակագրությունը ընտանեկան բռնության վերաբերյալ գրեթե չի տարբերվում ԱՄՆ-ից. «22-25% դեպքերում գոնե մեկ անգամ ընտանիքներում բռնության դեպք եղել է»:
Մանրամասն՝ տեսանյութում
Նելլի ԲԱԲԱՅԱՆ
