Այսօր ԱԺ պետաիրավական հարցերի հանձնաժողովում կառավարությունը քննարկման ներկայացրեց «Նոտարիատի մասին» մասին օրենքում փոփոխությունների նախագիծը:
Նախագծով առաջարկվում է ընդլայնել նոտարական գործողությունների՝ ժամանակակից տեղեկատվական համակարգերի միջոցով իրականացման ապահովումը: Մասնավորապես, նոտարիատի բնագավառում էլեկտրոնային կառավարման համակարգի միջոցով էլեկտրոնային կապ պետք է ստեղծեն նոտարների, բանկային եւ վարկային կազմակերպությունների միջեւ` նոտարին տրամադրելով Էլեկտրոնային կնիք, էլեկտրոնային թվային ստորագրություն:
Վերջիններիս ներդնումը հնարավորություն կստեղծի էլեկտրոնային եղանակով վավերացնել էլեկտրոնային թվային ստորագրությամբ կնքված պայմանագրերը, այսինքն, էլ կարիք չի լինի անձամբ գնալ նոտարի մոտ: Իսկ էլեկտրոնային եղանակով վավերացման ենթակա էլեկտրոնային պայմանագրերի տիպային ձեւերը եւ դրանց էլեկտրոնային վավերացման կարգը կսահմանվեն հետագայում:
Հռիփսիմե ՋԵԲԵՋՅԱՆ
