«Թվում է՝ Ադրբեջանում որոշակի հույսեր են կապում Թուրքիայի տարածաշրջանային ազդեցության հետ: Եթե Թուրքիան սիրիական ճգնաժամից դուրս գա հաղթած եւ Մերձավոր Արեւելքում հաստատի իր ռազմաքաղաքական հեղինակությունը, ապա սա կարող է շատ հիպոթետիկ հնչել, բայց ես այդպես եմ պատկերացնում, Թուրքիան եւ Ադրբեջանը ստեղծելու են կոնֆեդերացիա, որպեսզի Լեռնային Ղարաբաղի կարգավորման բանակցությունները տեղափոխվեն բոլորովին այլ մակարդակի եւ ընթանան սկզբունքորեն արտահայկական ձեւաչափերում»,- «Առավոտի» հետ զրույցում կարծիք հայտնեց Արցախի խորհրդարանի նախկին պատգամավոր Վահրամ Աթանեսյանը:
«Առավոտ»
13.04.2018
