Հաշվի առնելով Երևանի Մոնթե Մելքոնյանի անվան հ.11 դպրոցի ուսուցիչների և աշակերտների դժգոհությունը տնօրեն Ռուզաննա Ազիզյանի գործունեությունից և այն հանգամանքը, որ ուսուցիչների և աշակերտների վստահությունն ու սերը չվայելող մանկավարժը չի կարող շարունակել աշխատել իրեն մերժող կոլեկտիվի հետ, ՀՀ աշխատանքային օրենսգրքի 112-րդ հոդվածի հիմքով, Երևանի քաղաքապետ Տարոն Մարգարյանի որոշմամբ, Մոնթե Մելքոնյանի անվան թիվ 11 դպրոցի տնօրենը ազատվել է աշխատանքից:
Երևանի քաղաքապետարանի աշխատակազմի
տեղեկատվության և հասարակայնության հետ կապերի վարչություն
Ասես երեկ լիներ, երբ նույն դպրոցի ուսուցիչ Մարգարիտ Իսպիրյանի հետ միասին հանդիպեցինք քաղաքապետարանի այն ժամանակվա նորանշանակ Կրթության տեսչության պետ Գայանե Սողոմոնյանի հետ, ներկայացնելու աղաղակող փաստեր Ռ. Ազիզյանի գործունեությունից և հատկապես ինքնագործունեությունից: Տիկին Սողոմոնյանը նախ խորհուրդ տվեց մեզ հետևել մեր և մեր երեխաների առողջությանը, ցուցաբերել հանդուրժողականություն և այդ ամենին մատների արանքով նայել: Չանցած երկու շաբաթ, քաղաքապետարանից ՛՛տեսուչների դեսանտ՛՛ իջավ թիվ 11 դպրոց, մեր՝ բողոքող ուսուցիչներիս մասնագիտական որակները ստուգելու համար: Ճիշտ է, ՛՛միսիսան՛՛ տապալվեց, սակայն առաջացրեց շատ խոր հիասթափություն:
Փորձենք զուգահեռներ տանել այսօրվա իրավիճակի հետ.
Առավոտյան՝ վռնդում, երեկոյան՝ մեղայական, հաջորդ առավոտյան՝ պայմանագրի լուծում:
Իսկ ոմանք ասում էին՝ չի կարող պատահել…