Ռուսաստանի Դաշնության 90 քաղաքներում բողոքի ցույցեր են ընթանում ընդդեմ այդ երկրի նախագահ Վլադիմիր Պուտինի: Մայիսի 7-ին նա նորից, արդեն 4-րդ անգամ է ստանձնելու ՌԴ-ի նախագահի պաշտոնը:
Ալեքսեյ Նավալնիի կողմնակիցներն ու համախոհները տարբեր քաղաքներում քաղաքներում ցույցերին մասնակցում են «Նա մեր ցարը չէ» կարգախոսով:
Ցույցերը մեկնարկել են ՌԴ-ի արեւելյան շրջաններից՝ Վլադիվոստոկ, Իրկուտսկ, Խաբարովսկ: Իսկ Յակուտսկում ոստիկանները 100-ից ավելի ցուցարարների բերման ենթարկել: Ցույցեր են ընթանում նաեւ Մոսկվայում եւ Սանկտ-Պետերբուրգում:
Ռուսական TVrain.ru-ի փոխանցմամբ՝ պարբերաբար տարբեր քաղաքացներից ցուցարարներ են բերման ենթարկվում, այս պահին 300-ից ավելի բերման ենթարկվածներ կան:
Ըստ TVrain-ի՝ Մոսկվայի Պուշկինսկի հրապարակից ոստիկանները նաեւ Ալեքսեյ Նավալնիին բերման ենթարկեցին: Այս հրապարակից ոստիկանները համատարած բերման են ենթարկում ցուցարարներին:
Պատրաստեց՝ Նելլի ԲԱԲԱՅԱՆԸ
