ՀՀԿ խմբակցությունից փաստացի դեռ մայիսի 1-ին` Նիկոլ Փաշինյանի վարչապետ դառնալուն կողմ քվեարկելով դուրս եկած Ֆելիքս Ցոլակյանն այն տեսակետին չէ, որ ՀՀԿ խմբակցությունը լքողները պետք է վայր դնեն մանդատները: «Ես այդ տեսակետին չեմ, ընտրվել եմ ռեյտինգային կարգով, Շիրակը բազմաթիվ խնդիրներ ունի, դրանք ներկայացնելու համար առայժմ անելիք ունեմ»,- Aravot.am-ի հարցին այսօր այսպես պատասխանեց պատգամավորը:
Հետաքրքրվեցինք`ուզում է ասել`ՀՀԿ-ն ներդրում չունի՞ իր ընտրվելու մեջ, միայն ի՞նքն է ներդրում բերել ՀՀԿ-ին: «Երկուսն էլ եղել է»,-ասաց Ֆելիքս Ցոլակյանը:
ՀՀԿ խմբակցության ղեկավար Վահրամ Բաղդասարյանն ասել էր`ուզեցել են իրեն հեռացնել, բայց ինքը խնդրել է`ասելով`ես կգնամ: Լրագրողի դիտարկմանը Ֆելիքս Ցոլակյանը հակադարձեց. «Վահրամ Բաղդասարյանը ասում է մայիսի մեկից սիրողական կարգով, ինքը պատասխանել է, վերջացավ»:
Այլ մանրամասները`տեսանյութում
Ֆելիքս Ցոլակյանից հետաքրքրվեցինք նաեւ Արցախում տեղի ունեցող զարգացումներով: «Սրացում պետք չի»,- ասաց նա: Հարցին`Բակո Սահակյանը պիտի՞ գնա, թե՞ մնա, պատասխանեց. «Սրացում պետք չէ: Դա ես չեմ որոշում»:
Ֆելիքս Ցոլակյանը տեղեկություններ չուներ, որ Արցախի պետնախարար Արայիկ Հարությունյանը, դատախազը եւ ԱԱԾ ղեկավարը հրաժարականներ են տվել:
Այլ մանրամասները`տեսանյութում
Նելլի ԳՐԻԳՈՐՅԱՆ
