Լրահոս
Օրվա լրահոսը

Լիլիթ Արզումանյան. «e-gov.am-ից եմ տեղեկացել իմ ազատման մասին»

Հունիս 12,2018 19:07

ՀՀ վարչապետ Նիկոլ Փաշինյանի հունիսի 11-ի որոշմամբ Սմբատ Գոգյանը նշանակվել է Բարձրագույն որակավորման հանձնաժողովի ( ԲՈՀ) նախագահ, կամ ինչպես կայքում է գրված՝ Բարձրագույն որակավորման կոմիտեի նախագահ:

Aravot.am-ը ԲՈՀ-ի արդեն նախկին նախագահ Լիլիթ Արզումանյանից տեղեկացավ, որ նա պատահաբար է տեղեկացել՝ իր փոխարեն այլ մարդու նշանակված լինելու մասին:

«e-gov.am կայքում եմ կարդացել, ինձ ոչինչ չեն ասել»,-տարակուսանք հայտնեց տիկին Արզումանյանը, որը բանասիրական գիտությունների դոկտոր է, Հայաստանի գրողների միության անդամ, ութսունից ավելի հոդվածների հեղինակ եւ քաղաքացի:

Հիշեցնենք, որ ապրիլյան պատերազմի օրերին Լիլիթ Արզումանյանը համարձակ հոդված էր  հրապարակել՝ «Երկրից աքսորված ամոթը շտապ պետք է գտնել վերնագրով, որի համար կարող էր անգամ զրկվել պաշտոնից, սակայն շարունակեց աշխատել մինչեւ Նիկոլ Փաշինյանի կառավարություն: Նրա պաշտոնավարման շրջանում պայքար է տարվել անորակ ատենախոսությունների դեմ, խստացվել են պաշտպանությունները, որոնց մասին տեղեկատվությունը պարբերաբար զետեղվել է ԲՈՀ-ի կայքում:

 Գոհար ՀԱԿՈԲՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հունիս 2018
Երկ Երե Չոր Հնգ Ուրբ Շաբ Կիր
« Մայիս   Հուլ »
 123
45678910
11121314151617
18192021222324
252627282930