Մեն կղզում ընթացող շախմատի «Isle of Man International Chess Tournament» մրցաշարի «Masters» դասի երրորդ տուրում Հայաստանի լավագույն շախմատիստ Լեւոն Արոնյանը ոչ-ոքի խաղաց ԱՄՆ-ի դրոշի ներքո հանդես եկող երիտասարդ հայ գրոսմայստեր Սամուել Սեւյանի հետ: Արոնյանն ու Սեւյանը 2,5-ական միավորով տեղ են զբաղեցնում մրցաշարային աղյուսակի վերին հորիզոնականներում:
Հայաստանի ազգային հավաքականի անդամ Հրանտ Մելքումյանը պարտվեց ռուսաստանցի գրոսմայստեր Պավել Տրեգուբովին ու որոշակիորեն նահանջեց:
Մրցաշարին մասնակցում է նաեւ մեր եւս մի հայրենակից՝ Բրազիլիան ներկայացնող գրոսմայստեր Գրիգոր Սեւակ Մխիթարյանը, որը երեք տուրից հետո վաստակել է 1,5 միավոր:
Աշոտ ՀԱԿՈԲՅԱՆ
