Լաս-Վեգասում հունահռոմեական ըմբշամարտի մինչեւ 23 տարեկանների աշխարհի առաջնության մրցումային առաջին օրը պայքարի մեջ ներգրավված Հայաստանի հավաքականի չորս ըմբիշներից երկուսը մտել են եզրափակիչ:
Գասպար Տերտերյան
72 կգ քաշային կարգում Գասպար Տերտերյանը սկսելով 1/8 եզրափակչից՝ պարտության է մատնել վրացի, ռուս ու կոլումբիացի մրցակիցներին եւ այսօր ոսկե մեդալի համար գոտեմարտելու է Ղազախստանի ներկայացուցիչ Յուսուֆ Աշրապովի հետ:
Մարտիկ Պետրոսյան
Մարտիկ Պետրոսյանը իր թիմակցից մեկ գոտեմարտ ավելի է անցկացրել: Նա 82 կգ քաշային կարգում հաջորդաբար առավելության է հասել սերբ, ուզբեկ, ղազախ եւ շվեդ մրցակիցների նկատմամբ եւ չեմպիոնության համար գոտեմարտելու է իրանցի Աբդուլֆազլ Մոհմեդիի հետ:
Յուրիկ Հովեյան
Բրոնզե մեդալի հավակնություն ունի 67 կգ քաշային Յուրիկ Հովեյանը: Սակայն մինչ այդ նա դեռ պետք է հաղթահարի ղրղզ Բայաման Կարիմովի արգելքը սփոփիչ գոտեմարտում:
Կարդացեք նաև
Լաս-Վեգասում մեդալի համար պայքարում մեր թիմը նաեւ կորուստ է ունեցել ի դեմս 97 կգ քաշային Ռուբեն Գեւորգյանի:
Աշոտ ՀԱԿՈԲՅԱՆ
