Լրահոս
Օրվա լրահոսը

Շարմազանովի պատասխանը Մարուքյանին. «Մի հատ կողմնորոշվեք»

Նոյեմբեր 15,2018 16:26

«Էդմոն Մարուքյանին ասեք՝ մի հատ կողմնորոշվեք՝ ձեր կուսակցությունն ընդդիմություն է, թե իշխանություն, եւ ինչ գաղափարախոսություն ունի: Դրանից հետո միայն թող ՀՀԿ-ի վրա խոսի»,-ԱԺ-ում այսօր լրագրողների հետ զրույցում անդրադառնալով «Լուսավոր Հայաստան» կուսակցության նախագահ Էդմոն Մարուքյանի գնահատականին, որ «ՀՀԿ-ից պրծած ժողովուրդը չի ցանկանա նրան կրկին տեսնել խորհրդարանում», ասաց ՀՀԿ խոսնակ Էդուարդ Շարմազանովը:

Նա շարունակեց Մարուքյանին ուղղված խոսքը. «Եթե այդքան շատ եք գոհ այսօրվա կառավարությունից, գնացեք Փաշինյանի հետ կոալիցիա կազմեք»:

Ապա Էդուարդ Շարմազանովը հարցադրում արեց. «Չեմ հասկանում՝ բացի Փաշինյանից, ինչո՞ւ պետք է այլ ուժերի ձայն տան…մեկ էլ՝ ՀՅԴ-ին կարող են տալ: Եթե քննադատում եք ՀՀԿ-ին, հաստատ Փաշինյանի կեսի-կեսի չափ լավ չեք քննադատում: ՀՀԿ-ին ավելի լավ քննադատող, քան «Իմ քայլը» դաշինքն է, գոյություն չունի: Ուստի ուրիշի հարսանիքի սեղանին թամադայություն մի արեք»:

Ինչ վերաբերում է Մարուքյանի բնորոշմանը, որ ըստ քաղաքագիտության՝ ընդդիմությունը դա ապագա իշխանությունն է, Շարմազանովը նկատեց. «Մարուքյանը չէ, որ պետք է ինձ քաղաքագիտության կանոններ սովորեցնի: Ես մի քանի տարի քաղաքագիտություն եմ դասավանդել: Իսկ Մարուքյանին ասեմ՝ ես նրան հաստատ նեղություն չեմ տա, որ խաշի հաշիվ փակի (ժպտում է): Աստված տա՝ ես փակեմ»:

Ուղիղ։ Էդուարդ Շարմազանովը Իմ քայլը դաշինքի նախընտրական ցուցակի մասին

Gepostet von Aravot am Donnerstag, 15. November 2018

Լուիզա ՍՈՒՔԻԱՍՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Նոյեմբեր 2018
Երկ Երե Չոր Հնգ Ուրբ Շաբ Կիր
« Հոկ   Դեկ »
 1234
567891011
12131415161718
19202122232425
2627282930