Այսօր լրագրողների հետ հանդիպման ժամանակ ՊԵԿ նախագահ Դավիթ Անանյանն անդրադարձավ գազալցակայաններում բնական գազի թանկացմանը: Նշենք, որ ապրիլի 1-ից գազալցակայաններում գազի ծավալային հաշվարկը փոխարինվել է կիլոգրամովին, ինչից հետո գնաճ է տեղի ունեցել:
Անանյանն ասաց, որ ՊԵԿ դիտարկումները ցույց էին տալիս, որ չափի միավորը փոխելու արդյունքում, պետք է որ գների աճ տեղի չունենար: Բայց եթե եղել է, ապա, ինչպես ՊԵԿ նախագահն ասաց՝ կամ ՊԵԿ-ի ենթադրությունները սխալ էին, կամ համապատասխան պետական մարմինն այդտեղ անելիք ունի, որպեսզի պարզի՝ գնագոյացումը բարեխի՞ղճ է, թե՞ ոչ»:
Ապա` անդրադառնալով այն հայտարարություններին, որ 8 գազալցակայաններում ՊԵԿ-ը ստուգումներ էր իրականացրել, Անանյանը վստահեցրեց՝ 8 գազալցակայանները դարձել են 35, իսկ այդ ստուգումների արդյունքում 22 միլիարդ դրամի հարկային պարտավորություն է առաջադրվել: Այս գործընթացը բողոքարկվել է, Անանյանն ասաց, որ հիմա դատական գործընթաց է գնում:
Մանրամասն՝ տեսանյութում
Կարդացեք նաև
Նելլի ԲԱԲԱՅԱՆ
