«Գուցե տեղեկություն է ունեցել իր հարազատի մասին, տվել է այն իրավապահներին, ինչի հիման վրա էլ կհարուցվի կամ հարուցվել է քրեական գործ: Կարծում եմ՝ նա տեղեկություն է փոխանցել ենթադրյալ հանցագործության մասին»,-լրագրողների հետ զրույցում այսօր անդրադառնալով վարչապետ Նիկոլ Փաշինյանի՝ իր մերձավորի դեմ քրեական գործ հարուցելու ցուցում տալու փաստին, ասաց «Լուսավոր Հայաստան» կուսակցության ղեկավար Էդմոն Մարուքյանը:
Նրա խոսքով. «Սահմանադրությամբ վարչապետը չի կարող որեւէ իրավապահ մարմնի հրահանգել քրեական գործ հարուցել: Կարող է գրավոր դիմում ներկայացնել հանցագործության մասին, ինչպես ցանկացած քաղաքացի: Դրա հիման վրա քրեական գործ կարող է հարուցվել, կարող է եւ չհարուցվել»:
Էդմոն Մարուքյանը կարծում է, որ վարչապետն իր գրառումը պետք է պարզաբանի:
https://www.facebook.com/aravot.am/videos/304659850211225/
Կարդացեք նաև
Լուիզա ՍՈՒՔԻԱՍՅԱՆ
