«Արա Սարգսյան և Հակոբ Կոջոյան» տուն-թանգարանում կայացած միջոցառումը նվիրված էր քանդակագործ, նկարիչ Արա Սարգսյանի 177-ամյակին:
Քանդակագործ Արա Միհրանի Սարգսյանը եղել է Հայաստանի Նկարիչների Միության հիմնադիրը, դրա առաջին նախագահը և գլխավոր քարտուղարը, Երևանի Գեղարվեստաթատերական ինստիտուտի հիմնադիրը, առաջին ռեկտորը և քանդակագործության ամբիոնի վարիչը, ԽՍՀՄ գեղարվեստի ակադեմիայի անդամ, ԽՄ և ՀԽՄՀ ժողովրդական նկարիչ:
Սակայն նրա կենսագրությունում կա մի հետաքրքրական փաստ, որը նա թաքցրել էր իր ողջ կյանքի ընթացքում: 1920-ական թվականներին Հռոմում և Վիեննայում ուսանելու տարիներին Արա Սարգսյանն իր ակտիվ մասնակցությունն է ունեցել «Նեմեսիս» գործողության իրականացմանը:
Քանդակագործն իր գործունեության ընթացքում կարևորել է հայ զինվորին, և պատահական չէր, որ հրավիրվածների թվում էին նաև Հայոց բանակի զինվորները և սպաները: Միջոցառմանը նրանք ևս իրենց մասնակցությունն ունեցան։
Կարդացեք նաև
Բացման խոսքում շեշտվեց, որ Արա Սարգսյանը Երևանի Օպերայի դիմաց գտնվող Հովհաննես Թումանյանի և Ալեքսանդր Սպենդիարյանի, ԵՊՀ-ի դիմացի «Սահակ Պարթև, Մեսրոպ Մաշտոց» խմբաքանդակի, Վալերի Բրյուսովի և Նելսոն Ստեփանյանի կիսանդրիների, Գյումրու «Մայր Հայաստան» և շատ այլ քանդակների հեղինակն է:
Հատուկ էր ընտրված միջոցառման խորագիրը։ Հայրենիքի պաշտպան բոլոր հերոսների քանդակներին Արա Սարգսյանը հավերժացրել է հենց այդ խոսքերը . «Մահ իմացյալ՝ անմահություն»:
Միջոցառման ընթացքում հանդես եկան «Երևան» համույթը, «Արեգ» պարի համույթը և մի շարք երգիչ-երգչուհիներ:
Արեւիկ ԿԱՐԱՊԵՏՅԱՆ
