Լրահոս
Օրվա լրահոսը

Արտավազդ Նալբանդյան. «Մաս-ռեսթլինգի Հայաստանի հավաքականը չմասնակցեց աշխարհի գավաթի առաջին փուլին՝ Ադրբեջանում անցկացվելու պատճառով»

Հունիս 16,2019 19:40

«Դինամո» ՄՀԿ-ում այսօր կայացավ մաս-ռեսթլինգի  Հայաստանի 9-րդ առաջնությունը: Մարզաձեւի ֆեդերացիայի նախագահ Արտավազդ Նալբանդյանը, որը նաեւ ներկայացնում է բազկամարտի երիտասարդական ասոցիացիան, Aravot.am-ին ասաց, որ հաղթողները համալրելու են մեր ազգային հավաքականը, որը  նախապատրաստվելու է Ուզբեկստանում եւ Լեհաստանում կայանալիք աշխարհի գավաթի 2-րդ եւ 3-րդ փուլերին:

«Աշխարհի գավաթի 1-ին փուլն օրերս ավարտվեց  Ադրբեջանում եւ մենք ստիպված էինք այն բաց թողնել: Հայաստանի այս առաջնությանը մասնակցում է ոչ միայն Երեւանի, այլեւ մարզերի շուրջ 80 մարզիկ: Ջավախքից էլ ուժեղ մարզիկներ կան, որոնք մեկ անգամ չէ, որ ընդգրկվել են հավաքական եւ աշխարհի ու Եվրոպայի առաջնություններում մրցանակային տեղեր զբաղեցրել: Մասնակիցները պայքարում են ութ քաշային կարգերում, 3-ը՝ կանանց, 5-ը՝ տղամարդկանց: Ուրախացնում է, մեր մարզաձեւը կայուն քայլերով զարգանում եւ ընդլայնում է մասսայականությունը եւ որ այս տարի անհամեմատ շատ են աղջիկները. Որոնք կազմում են  մասնակիցների ընդհանուր թվի մոտ 40 տոկոսը»,-ասաց Ա. Նալբանդյանը:

Նա նաեւ տեղեկացրեց, որ մարզաձեւի համաշխարհային ֆեդերացիան զույգ տարիներին կազմակերպում է աշխարհի ու մայրցամաքային առաջնություններ, իսկ կենտ տարիներին՝ աշխարհի երեք գավաթի խաղարկություն:

Աշոտ ՀԱԿՈԲՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հունիս 2019
Երկ Երե Չոր Հնգ Ուրբ Շաբ Կիր
« Մայիս   Հուլ »
 12
3456789
10111213141516
17181920212223
24252627282930