«Հայկական բնապահպանական ճակատ»-ի նախաձեռնած՝ Ամուլսար տանող ճանապարհներն արգելափակած քաղաքացիների աջակցության համար Երեւանի կենտրոնում նախատեսված դրամահավաքի ժամանակ այսօր ՀԲՃ անդամ Աննա Շահնազարյանին ոստիկանները բերման են ենթարկել՝ պատճառաբանելով, որ դրամահավաքն ապօրինի է եղել:
Քիչ առաջ նրան բաց են թողել: «Մոտեցան, ներկայացան, հարցրին, թե ինչու ենք դրամահավաք անում: Պաստառները կային, մեր նպատակը պարզ էր: Բայց նրանք պահանջեցին ինչ-որ կնիք եւ գրանցում: Ոստիկաններն ասացին, թե դրամահավաքն իբրեւ անօրինական է: Ես խնդրեցի մեջբերել, թե որ օրենքով ես պետք է ունենամ կնիքված դրամարկղ կամ քաղաքապետարանից թույլտվություն: Որեւէ պատասխան չստացա»,- ՀԲՃ-ի ուղիղ եթերում պատմեց Աննա Շահնազարյանը:
Կարդացեք նաև
Աննա Շանհազարյանը դուրս եկավ ոստիկանության բաժնից և ներկայացնում է պատահածի մանրամասները
Gepostet von Հայկական բնապահպանական ճակատ / Armenian Environmental Front am Samstag, 6. Juli 2019
Լուիզա ՍՈՒՔԻԱՍՅԱՆ