GALLUP International Association-ի Հայաստանում լիիրավ անդամ Էմ Փի Ջի ՍՊԸ-ի տնօրեն Արամ Նավասարդյանը ասուլիսում ներկայացրեց հարցման արդյունքները, որոնք իրականացվել են հոկտեմբերի 28-ից նոյեմբերի 4-ն ընկած ժամանակահատվածում:
Հարցին՝ ինչպես եք գնահատում Հայաստանում կենսաբազմազանության COP17 համաժողովի անցկացումը, հարցին տրված պատասխաններն ունեն հետևյալ պատկերը. 30.4%-ը նշել է՝ լիովին դրական, 17.4%-ը՝ ավելի շուտ դրական, 4.2%-ը՝ ավելի շուտ բացասական, իսկ 8.6%-ը՝ ընդհանրապես բացասական: 4.5%-ը դժվարացել է պատասխանել, իսկ 35%-ը տեղյակ չի եղել համաժողովի մասին:
Հոկտեմբերի 10-ին Ամուլսարի ոսկու հանքավայրը պաշտոնապես հանձնվեց շահագործման: Ինչպե՞ս եք վերաբերվում այս որոշմանը: Այս հարցին տրված պատասխանների պատկերն էլ այսպիսին է. 30.6%-ը նշել է՝ լիովին դրական, 21.8%-ը՝ ավելի շուտ դրական, 9.4%-ը՝ ավելի շուտ բացասական, 20.6%-ը՝ ընդհանրապես բացասական: Իսկ 17.7%-ը դժվարացել է պատասխանել հարցին:
Կարդացեք նաև
Գոհար ՀԱԿՈԲՅԱՆ
