«Դիմել էի քաղաքապետարան՝ ստանալու համար քաղաքապետարանի եւ «Սանիտեկ» ընկերության միջեւ պայմանագիրը: Սահմանված ժամկետն անցել է, մինչ օրս պատասխան չկա»,-Երեւանի քաղաքապետարանի առաջ այսօր լրագրողների հետ զրույցում հայտարարեց «Երևանի պաշտպանության ճակատ» նախաձեռնության համակարգող Բաբկեն Հարությունյանը՝ միաժամանակ շեշտելով՝ քաղաքապետ Հայկ Մարությանի մամուլի խոսնակ Հակոբ Կարապետյանը քանիցս հայտարարել է, որ պայմանագրում որեւէ գաղտնիք չկա: «Բայց եթե ամեն ինչ լավ է, ի՞նչն է խանգարում, որպեսզի «Սանիտեկի» հետ պայմանագիրը լուծարեն: Ուրեմն մի պնդեք, թե քաղաքապետարանը թերացում չունի: Եթե չունենար, մեծ սիրով կհրապարակեր այդ ամենը»,-համոզմունք հայտնեց Բաբկեն Հարությունյանը:
Նա քաղաքապետարանին կոչ հղեց. «Բավական է հղում անեք «Սանիտեկին». աղբահանության խնդիրը լուծեք: Ի վերջո, քաղաքապետը պարտավոր է բոլորին մտահոգող խնդիրը լուծել, բայց չի կարողանում, անընդհատ հղում է անում «Սանիտեկին»:
Հիշեցնենք՝ քաղաքապետի խոսնակ Հակոբ Կարապետյանը վերջերս հայտարարել էր, որ համայնքային միջոցներով ձեռքբերված աղբահավաք մեքենաների հերթական խմբաքանակն է ստացվել, եւ աղբահանության խնդիրը շուտով կմեղմվի:
Մանրամասները՝ տեսանյութում
Կարդացեք նաև
Ուղիղ։ Քաղաքապետարանի առաջ մամուլի ասուլիս է` աղբահանության խնդրի մասին։ Մեկնաբանում է Երեւանի պաշտպանության ճակատ նախաձեռնության համակարգող Բաբկեն Հարությունյանը
Gepostet von Aravot am Dienstag, 6. August 2019
Լուիզա ՍՈՒՔԻԱՍՅԱՆ
