Կստեղծվեն աշխատանքային խմբեր, որոնք կզբաղվեն Հեռուստատեսության եւ ռադիոյի ու Կինոյի մասին օրենքների մշակմամբ

ՀՀ ԱԺ գիտության, կրթության, մշակույթի, սփյուռքի, երիտասարդության եւ սպորտի հարցերի մշտական հանձնաժողովի արտահերթ նիստում

ՀՀ ԱԺ գիտության, կրթության, մշակույթի, սփյուռքի, երիտասարդության եւ սպորտի հարցերի մշտական հանձնաժողովը Մխիթար Հայրապետյանի նախագահությամբ օգոստոսի 26-ին անցկացրել է արտահերթ նիստ:

Հանձնաժողովի որոշմամբ՝ Հեռուստատեսության եւ ռադիոյի, մամուլի ու տեղեկատվության ենթահանձնաժողովին կից ստեղծվել են աշխատանքային խմբեր, որոնք կզբաղվեն Հեռուստատեսության եւ ռադիոյի ու Կինոյի մասին օրենքների մշակմամբ: Աշխատանքային առաջին խումբը կղեկավարի ԱԺ «Իմ քայլը» խմբակցության անդամ Վահագն Թեւոսյանը, իսկ երկրորդը՝ ԱԺ «Լուսավոր Հայաստան» խմբակցության անդամ Աննա Կոստանյանը:

Հանձնաժողովը որոշում է կայացրել առաջիկայում արտագնա նիստ անցկացնել Արցախում:

Այսուհետ նախագահի եւ տեղակալի գործուղման մեջ գտնվելու ընթացքում հանձնաժողովի նիստերը կհամակարգի հանձնաժողովի անդամ Վահագն Թեւոսյանը:

ՀՀ Ազգային ժողով