ԱԺ այսօրվա նիստում «Լուսավոր Հայաստանի» պատգամավոր Գեւորգ Գորգիսյանն ԱԱԾ պետի ժամանակավոր պաշտոնակատար Էդուարդ Մարտիրոսյանից հետաքրքրվեց. «Դեռեւս փետրվարի 26-ին վարչապետ Նիկոլ Փաշինյանը հայտարարեց, որ իրավապահ համակարգում եղել են դավաճաններ, որոնք խոչընդոտել են կոռուպցիայի դեմ պայքարին: ԱԱԾ-ն դավաճաններին բացահայտե՞լ է»:
Էդուարդ Մարտիրոսյանն այսպես պատասխանեց. «Դա գործընթաց է, որն ԱԱԾ-ում պարբերաբար արվում է: Դա ընթացիկ հարց է: Մենք ինքնամաքրմամբ ենք զբաղվում: ԱԱԾ-ն մաքրվելու է այն մարդկանցից, ովքեր դավաճան են, հայրենասեր չեն եւ արատավորում են սպայի պատիվը»:
Գեւորգ Գորգիսյանը շարունակեց. «Իսկ կոռուպցիայի դեմ պայքարը խոչընդոտող մարդիկ բացահայտվե՞լ են»: Մարտիրոսյանն արձագանքեց. «Հենց ունենանք այդ մասին տվյալներ, կտեղեկացնենք»:
Կարդացեք նաև
Լուիզա ՍՈՒՔԻԱՍՅԱՆ
