ԱԺ այսօրվա նիստում անկուսակցական պատգամավոր Արման Բաբաջանյանը ՀՀ ԱԱԾ պետի ժամանակավոր պաշտոնակատար Էդուարդ Մարտիրոսյանից հետաքրքրվեց՝ 2008թ.-ի մարտյան իրադարձությունների՝ ԱԱԾ-ում ոչնչացված փաստաթղթերի վերականգնումն ի՞նչ փուլում է. «Եվ առհասարակ, ԱԱԾ-ն թվայնացնո՞ւմ է փաստաթղթերը, որպեսզի նման խնդիրները բացառվեն»:
Էդուարդ Մարտիրոսյանը պատասխանեց. «Թվայնացումը մի քանի տարի է, ինչ իրականացվում է: Նաեւ մեր արխիվներն ենք թվայնացնում: Ինչ վերաբերում է մարտի մեկի նյութերին, թվայնացման գործընթացն, իհարկե, շարունակվում է, բայց փաստաթղթերը վերականգվում են ամբողջությամբ, մենք այս պահին այդտեղ խնդիր չենք տեսնում»:
Լուիզա ՍՈՒՔԻԱՍՅԱՆ
