Օրերս ոստիկանության Մուշի բաժնում մի տղամարդ հաղորդում էր տվել, որ հունվարին մեքենան կայանել էր Գյումրիի Մարմաշենի խճուղում՝ հետագայում Երևան տանելու նպատակով։ Մարտի 13-ին վերադարձել էր նշված վայր ու տեսել, որ մեքենան չկա։
Ոստիկանության Մուշի բաժնի ծառայողների ձեռնարկած միջոցառումներով պարզվեց, որ մեքենան առևանգել է Գյումրիի 49-ամյա մի բնակիչ։ Նա մարտի 14-ին հայտնաբերվեց ու, մեքենան առևանգելու կասկածանքով, բերման ենթարկվեց ոստիկանություն։
Բաժնում պարզվեց, որ մարտի 8-ին նա ծանոթի հետ «Զիլով» «Հոնդան» տեղափոխել էր իր ավտոտնակ։
Մեքենան տեղափոխվել է ոստիկանության Մուշի բաժնի պահպանվող հատուկ տարածք։
Ձեռնարկվում են միջոցառումներ՝ մեքենան առևանգած մյուս անձին հայտնաբերելու ուղղությամբ։
Հանգամանքները պարզվում են։
Կարդացեք նաև
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
ՀՀ ՈՍՏԻԿԱՆՈՒԹՅՈՒՆ
