Գազի տարանցման միասնական սակագին չի կարող ներդրվել ԵԱՏՄ-ում ինտեգրման ներկա մակարդակի պայմաններում: Այս մասին Եվրասիական տնտեսական բարձրագույն խորհրդի՝ տեսակոնֆերանսի ռեժիմով անցկացված նիստի ժամանակ հայտարարել է ՌԴ նախագահ Վլադիմիր Պուտինը: Նրա խոսքով՝ միասնական սակագին հնարավոր է կիրառել միայն միասնական շուկայում:
Բացելով հանդիպումը` Բելառուսի նախագահ Ալեքսանդր Լուկաշենկոն նորից անդրադարձել է գազի գնին և ասել. «Արդեն մի քանի տարի է, չենք կարողանում փոխադարձ ընդունելի որոշման գալ, մինչդեռ խնդրի հրատապությունն անընդհատ մեծանում է»:
ԵԱՏՄ տարածքում էներգակիրների միասնական շուկայի և գնագոյացման միասնական մոտեցման մասին խոսել է նաև Հայաստանի վարչապետ Նիկոլ Փաշինյանը:
Կարդացեք նաև
Ի պատասխան Պուտինն ասել է, որ միասնական սակագին կարող է սահմանվել միայն միասնական շուկայում՝ միասնական բյուջեով և հարկման միասնական համակարգով: «Եթե մեր հայ և բելառուս ընկերների դիրքորոշումներն անփոփոխ մնան, ապա, հավանաբար, տրամաբանական կլիներ գազին վերաբերող կետն ընդհանրապես հանել մինչև 2025թ. ԵԱՏՄ զարգացման Ռազմավարության նախագծից՝ այն հաստատելու համար: Իսկ գազի գնագոյացման հարցում մոտեցումների քննարկումը կարելի է շարունակել Եվրասիական տնտեսական հանձնաժողովի և ԵԱՏՄ անդամ պետությունների փորձագետների մակարդակով»,- հավելել է Վլադիմիր Պուտինը:
Պատրաստեց՝ Վիկտորյա ԱՆԴՐԵԱՍՅԱՆԸ
