«Վերջին կետը բանակցությունների արդյունքում ընդունված փաստաթղթի շատ հստակ ձևակերպել է այն փաստը, որ ԵԱՀԿ Մինսկի համանախագահողների ձևաչափը որևէ կերպ չի փոխվելու»,- «Հոդված 3» ակումբի կազմակերպած քննարկման ընթացքում ասաց Ազգային ժողովի «Իմ քայլը» խմբակցության պատգամավոր Անուշ Բեղլոյանը։
Նա նշում է, որ երբ բովանդակային բանակցություններ սկսվեն՝ սկսվելու են ԵԱՀԿ Մինսկի խմբի ձևաչափի շրջանակներում․ «Այդ տեսակետից մենք արդեն իսկ չունենք բանակցային ձևաչափի փոփոխություն։ Դա կարևոր է, այն տեսակետից, որ տարատեսակ տարածաշրջանային խաղացողներ այնպիսին, ինչպիսին Թուրքիան է և նաև Ադրբեջանի ղեկավարության բազմաթիվ հայտարարությունները, փորձում էին վարկաբեկել այդ ձևաչափը, փոխել այն, առաջարկում էին տարբեր այլ ձևաչափեր։ Եվ դա իհարկե, տապալվեց, և տապալվեց ոչ միայն դիվանագիտական ասպարեզում, այլ նաև մեր բանակի և մեր ժողովրդի համախմբման և խիզախության շնորհիվ»։
Անուշ Բեղլոյանը կարծում է, որ և՛ հասարակությունը, և՛ իշխանությունը, և՛ բոլոր շրջանակները պարզ հասկանում են, որ այս պատերազմը ցույց տվեց, որ պետք է շատ լուրջ ռազմավարական մոտեցումներ ձևավորվել Հայաստանի և Արցախի ապագա բարեկեցության և միջազգային վարկանիշի համար․ «Մենք պետք է լինենք իրատես, մենք պետք է տեսնենք մեր ուժեղ կողմերը և մեր թուլությունները, և մենք պետք է առաջ քայլենք այնպես, որ այդ պատմությունը կերտվի լավագույն ձևով»։
Կարդացեք նաև
Ամի ՉԻՉԱԿՅԱՆ