ՌԴ նախագահ Վլադիմիր Պուտինի առաջարկով հոկտեմբերի 9-ին, ժամը 17-ին Մոսկվայում ՌԴ ԱԳՆ ընդունելությունների տանը սկսված հանդիպումը՝ ՌԴ, Հայաստանի եւ Ադրբեջանի արտգործնախարարների միջեւ, վերջապես ավարտվեց: Հիշեցնենք, որ հանդիպման օրակարգում էր մարդասիրական նկատառումներով մարտական գործողությունների դադարեցումը՝ գերիների փոխանակման եւ զոհվածների մարմինները մարտի դաշտից տանելու հարցը:
Հանդիպումից հետո ժամը 3:50 կայացած ճեպազրույցում Սերգեյ Լավրովը նշեց այն 4 կետերը, որի շուրջ կողմերի միջեւ կայացել է համաձայնությունը (ԹԱՐԳՄԱՆՈՒԹՅՈՒՆԸ ՊԱՇՏՈՆԱԿԱՆ ՉԷ) .
1.Հայտարարվում է կրակի դադարեցման մասին 2020 թ. հոկտեմբերի 10-ից՝ ժամը 12:00-ից՝ մարդասիրական նկատառումներով՝ ռազմագերիների եւ այլ անազատ անձանց փոխանակման, ինչպես նաեւ զոհվածների մարմինների փոխանակման նպատակով՝ Կարմիր խաչի չափանիշներին համաձայն եւ միջնորդությամբ:
2.Կրակի ռեժիմի դադարեցման կոնկրետ պարամետրերը կհամաձայնեցվեն լրացուցիչ կերպով:
Կարդացեք նաև
3.Ադրբեջանի Հանրապետությունը, Հայաստանի Հանրապետությունը՝ ԵԱՀԿ Մինսկի խմբի համանախագահների միջնորդությամբ, կարգավորման հիմնարար դրույթների հիման վրա կսկսեն առարկայական բանակցություններ՝ հնարավորինս արագ կերպով խաղաղ կարգավորման հասնելու նպատակով:
4. Կողմերը հաստատում են բանակցային գործընթացի ձեւաչափի անփոփոխությունը:
«Առավոտ». Գլխավոր լուսանկարը հրապարակել է ՌԴ ԱԳՆ խոսնակ Մարիա Զախարովան՝ մակագրելով, թե կարծում էր՝ գիտեր Սերգեյ Լավրովին, բայց ճանաչեց այսօր՝ 11 ժամ տեւած բանակցային մարաթոնի ընթացքում:
https://www.facebook.com/ArmenianUnifiedInfoCenter/videos/vb.282013979301203/676948576273410/?type=2&theater
