Պորտուգալիայում բուժաշխատող Սոնյա Ասեվեդոն հանկարծամահ է եղել 48 ժամ անց այն բանից հետո, երբ նրան ներարկել են կորոնավիրուսի դեմ Pfizer/BioNTech պատվաստանյութը, ըստ «Լենտա.ռու»-ի՝ հայտնել է «Daily Mail»-ը.
41-ամյա կինը պատվաստանյութն ընդունելուց հետո որեւէ կողմնակի ազդեցություն չի ունեցել, սակայն հունվարի 1-ին նա հանկարծամահ է եղել: Մահվան պատճառը կսահմանվի հունվարի 5-6-ը:
Կնոջ հայրը տեղեկացրել է, որ իր աղջիկը չի ունեցել առողջական որեւէ խնդիր. « Ես չգիտեմ ինչ է պատահել: Ինձ պատասխաններ են հարկավոր: Ուզում իմանալ՝ ինչը պատճառ դարձավ իմ աղջկա մահվան մեջ», նշել է հայրը:
Պորտուգալական ինստիտուտում, որտեղ աշխատել է կինը, հաստատել են, որ կնոջից որեւէ բողոք չի եղել պատվաստանյութն ընդունելիս եւ մի քանի ժամ անց եւս: Բացի Սոնյա Ասեվեդոյից, պատվաստանյութը ստացել են հիմնարկի եւս 537 աշխատակից:
Հիշեցնենք, որ Pfizer/BioNTech դեղամիջոց, որը մշակվել է ամերիկյան կոնսորցիումի կողմից, այս պահին հանդիսանում է միակը, որը Եվրամիությունը հաստատել է որպես պատվաստանյութ ընդդեմ կորոնավիրուսի: