Հայաստանի Հելսինկյան կոմիտեի նախագահ, իրավապաշտպան Ավետիք Իշխանյանի ֆեյսբուքյան գրառումը
ՉԵՄ ՏԵՍՆՈՒՄ, ՉԵՄ ԼՍՈՒՄ, ԲԱՅՑ․․․ ԽՈՍՈՒՄ ԵՄ
Ռուբեն և Ռաֆիկ Հայրապետյանների փաստաբան Ամրամ Մակինյանը հերթական բացահայտումն է արել։ Խոսքը վերաբերում է անձամբ վարչապետի հանձնարարությամբ, ընդդիմադիր գործիչների դեմ «կոմպրոմատներ» պեղել և վարկաբեկել։ Իրավական համակարգի «անկախ» քննիչներին ոչ միայն հրահանգներ է տալիս, այլև «մեղադրականներ» անձամբ գրում և խմբագրում վարչապետի խորհրդական Աննա Վարդապետյանը։ Այն, որ 2018թ․ ստի և կեղծիքի հեղափոխությունից հետո, բոլոր, այո՝ բոլոր քրեական գործերը, սկսած Մանվել Գրիգորյանի դեմ կեղծ «տուշոնկաներից», մինչև Ռուբեն Հայրապետյանի և նրա որդու դեմ թխվածները եղել են անձամբ վարչապետի հրահանգով, կարծում եմ քիչ թե շատ բանականություն ունեցողների համար ակնհայտ է։ Այդ մասին խոսել են նաև ոստիկանության և ԱԱԾ նախկին ղեկավարները նույնպես։
Եվ այս ամենի ֆոնին ուղղակի զարմանալի է, որ տարբեր, իրենց քաղ․ հասարակության գործիչներ, իրավապաշտպաններ համարող անձինք, այս ամենը իբր չտեսնելով, շարունակում են իրենց , չգիտեմ անգիր արած, թե ուղղորդված մտավարժանքները՝ անկախ դատաիրավական համակարգի մասին, ողջունում ընտրակեղծիքների, խոշտանգումների ռահվիրա Գագիկ Ջհանգիրյանի ԲԴԽ անդամ նշանակումը, ատամներով պաշտպանելով երկիրը թշնամուն հանձնած, տոտալիտար մտածողությամբ իրենց կուռքին ։
Կարդացեք նաև
Այսօր նրանց նշանաբանն է՝ չեմ տեսնում, չեմ լսում, բայց ստիպված խոսում եմ։
«Իրազեկ քաղաքացիների միավորում» ՀԿ ծրագրերի համակարգող Դանիել Իոաննիսյանի ֆեյսբուքյան գրառումը
Մեր իրավապահ համակարգը այնքան տխուր վիճակում է, որ`
1.Վարչապետի խորհրդականը քննիչի որոշում է խմբագրում, դզմզում, սիրունացնում։
2.Քննիչները 2021 թվականին դեռ mail.ru-ից են օգտվում։
Իմիջիայլոց, առաջինը դեռ Գևորգ Կոստանյանի` նախագահականում աշխատելու վախտերից եկող խայտառակ ավանդույթ է (այն ժամանակ` դեռ fax-ով էր դա արվում)։ Գիտեինք, որ նախկինում քաղաքական քրեական գործերի բովանդակությունը նախագահականում էր որոշվում, իսկ այժմ, փաստորեն, դրանք առնվազն խմբագրվում ու դզմզվում են վարչապետի աշխատակազմում։
Բայց ո՞նց եք կարծում, Վարդապետյան Աննան միայն թեթևակի խմբագրումնե՞ր է առաջարկում քննիչի որոշումներում (ինչը երևում է հրապարակված տեսանյութում), թե՞ նաև ներազդում է քրեական գործի ընթացքի ու որոշումների եզրափակիչ մասերի վրա։
Հ.Գ. Այս պատմությունը պետք է լուրջ քննության առարկա դառնա։
