Օգոստոսի 20-ից «Փյունիկ» զարգացման կենտրոնում բացվել է Լիլիթ Տոնականյանի՝ «Հափրուն ծաղիկների գունագեղ հմայքը» խորագրով գեղանկարչական ցուցահանդեսը:
Լիլիթը ծնվել է Արթիկ քաղաքում, ավարտել է տեղի գեղարվեստի դպրոցը, Երեւանի գեղարվեստի պետական ակադեմիայի Գյումրու մասնաճյուղի գեղանկարչության բաժինը: Ուսումնառության տարիներից սկսած՝ նա մասնակցել է բազմաթիվ ցուցահանդեսների:
Լիլիթ Տոնականյան
Ինչ վերաբերվում է վերջին ցուցահանդեսին, Aravot.am-ի հետ զրույցում նկարչուհին ասաց, որ իր համոզմամբ Շիրակի դաշտավայրի ծաղիկներն ունեն իրենց յուրահատուկ բույրն ու հմայքը, դրա համար էլ հիմնականում ծաղիկներ է վրձնել: «Մեծամասամբ պատկերել եմ ծաղիկներ, նատյուրմորտներ, ունեմ նաեւ աբստրակտ ոճի գործեր»,-նշեց նա:
Կարդացեք նաև
Լիլիթ Տոնականյանն ասաց նաեւ, որ բազմաթիվ ցուցահանդեսների է մասնակցել, իսկ սա վեցերորդ անհատական ցուցահանդեսն է, եւ ներկայացված են բոլոր նոր գործերը, որոնք նկարել է վերջին մեկ տարվա ընթացքում:
«Փորձել եմ իմ կտավների միջոցով մարդկանց ջերմություն, լույս եւ դրական հույզեր փոխանցել: Ցուցահանդեսնը դեռ նոր է բացվել, բոլորից բարի խոսքեր եմ լսում, իսկ դեմքերին բարի ժպիտներ են»,-ասաց մեր զրուցակիցը:
Գոհար ՀԱԿՈԲՅԱՆ
