«Առագաստ» սրճարանում սպանված Պողոս Պողոսյանի` վերաբացված գործով նոյեմբերի 15-ին տեղի ունեցած դատական նիստի ընթացքում նախագահող դատավոր Կարեն Ֆարխոյանը մերժեց ՀՀ երկրորդ նախագահ Ռոբերտ Քոչարյանի թիկնազորի անդամ, ամբաստանյալ Աղամալ Հարությունյանի փաստաբան Ռոբերտ Բեջանյանի՝ նախագահող դատավորին ներկայացված ինքնաբացարկի միջնորդությունը:
Aravot.am-ի հետ զրույցում փաստաբանն ասաց՝ մեզ այդպես էլ որևէ թուղթ չտրամադրեց դատավորը, որ հասկանանք հիմնավորումները, թե ինչու է մերժում:
Ռոբերտ Բեջանյանն ասաց՝ դատավորին ներկայացված միջնորդության հիմքում դրել են նրա եղբոր՝ քննչական գործողություններին մասնակցելու հանգամանքը ու մանրամասնեց. «Եղբայրը քննչական գործողությունների, դատավարության մասնակից է: Ինքն իրավունք չունի նույնիսկ այս գործը քննել, բայց ուզում է անպայման այս գործն առաջ տանել: Անհասկանալի է, թե ինչի համար»: Մեր հիշեցմանը՝ մի առիթով հայտարարել էր, որ այս գործով կա քաղաքական պատվեր, դա դատավորի որոշման դեպքում դերակատարություն ունի՞, փաստաբանը պատասխանեց. «Հենց դա է պատճառը»:
Այս գործով հաջորդ դատական նիստը նշանակվեց հունվարի 11-ին:
Կարդացեք նաև
Տաթև ՀԱՐՈՒԹՅՈՒՆՅԱՆ
