Aravot.am-ը ԿԳՄՍ նախարարությունից մեկնաբանություն խնդրեց Հայաստանում Հնդկաստանի դեսպանության ֆեյսբուքյան էջում հրապարակված հաղորդագրության մասին, որտեղ անդրադարձ կար Սուրբ Թերեզայի անվան բժշկական համալսարանի վերաբերյալ հնդիկ ուսանողներից ստացված բազմաթիվ դժգոհություններին, տարբեր նպատակներով ուսանողներից գումար շորթելուն, պրոֆեսորադասախոսական կազմին: Դեսպանատունը նաեւ հորդորում էր հնդիկ դիմորդներին չդիմել այդ համալսարան:
«Հայաստանի Հանրապետությունում Հնդկաստանի դեսպանության այն հայտարարությունը, որն ուղղված է իր քաղաքացիներին, ԿԳՄՍ նախարարության կողմից մեկնաբանման ենթակա չէ»,-Aravot.am-ին հետեւյալը փոխանցեց ԿԳՄՍ նախարարի մամուլի խոսնակ Գեղամ Մելիքբեկյանը:
Գոհար ՀԱԿՈԲՅԱՆ
