ԱԺ պատգամավոր Թադեւոս Ավետիսյանը ՀՀ ԱԺ ՔՊ ական պատգամավոր, Տնտեսական հարցերի մշտական հանձնաժողովի նախագահ, զեկուցմամբ հանդես եկած Բաբկեն Թունյանին հարց ուղեց՝ արդյոք արդար է 21 %-ով հարկել աշխատող աղքատին եւ նույն տոկոսով՝ տասը միլիոն աշխատավարձ ստացողին: «Միայն թե չասեք, որ նրանց թիվը քիչ է, մնացածինը շատ է, խնդիրը սկզբունքի մեջ է»,-ասաց պատգամավորը:
«Այս հարցի մասին ինչքան էլ խոսենք, ընդհանուր հայտարարի չենք գա, որովհետեւ դուք եւ ձեր կուսակցությունը սոցիալիստական ուղղվածություն ունեք, ես ավելի ազատական մտածելակերպ ունեմ: Դուք պրոգրեսիվ հարկման կողմնակիցն եք, իսկ ես՝ ավելի շատ համահարթի: Ու տասը միլիոն դրամի համար է 21 %-ը 2,1 միլիոն դրամ է կազմում, մյուսների դեպքում` 21 հազար դրամ, ու թեեւ տոկոսը նույնն է, բայց իրենք տարբեր թվեր են վճարելու:
Իսկ համահարթեցնելու կարեւոր դրույթներից մեկը՝ հետեւյալն էր, եթե մենք փորձում ենք հարուստներին ավելի շատ հարկել, քան աղքատներին, աշխատավարձը չէ գլխավոր հանգամանքը, որովհետեւ մեզ մոտ 2 միլիոն ստացող ծրագրավորողը կամ ֆինանսիստը չեն այն մարդիկ, որոնց պետք է աշխատավարձի դրույքաչափով թիրախավորել, դրանք այն մարդիկ են, որ կարող է եկամուտ չունենան, անգամ «Փարոս» համակարգում գրանցված լինեն, բայց ունենան գույք, եւ եթե եկամուտները կարելի է թաքցնել, գույքը ոչ, դրա համար շեշտադրում կատարեցինք գույքահարկի վրա»,-ասաց Թունյանը:
Թադեւոս Ավետիսյանն էլ նրա պնդումներին հետեւյալ կերպ արձագանքեց. «Համահարթ եկամտահարկի անցման ժամանակ չկարողացաք նաեւ միջազգային փորձով դա հիմնավորել, որովհետեւ հիմնականում երկրները՝ այդ թվում Սահմանադրությամբ հռչակված սոցիալական պետությունները, իմ ու ձեր վեճի առարկան չեն: Մենք մասնագիտական դաշտում կարող ենք ունենալ տարբեր կարծիքներ, բայց արդար չէ համահարթ եկամտահարկը, արդար է շատից շատ, քչից քիչ սկզբունքը: Նաեւ միջազգային պրակտիկայում է ամրագրված դա: Շատ քիչ երկրներ կգտնեք, որ ունեն աղքատության այսպիսի բարձր մակարդակ, ցածր եկամուտներ եւ համահարթ եկամտահարկ:
Կարդացեք նաև
Գոհար ՀԱԿՈԲՅԱՆ