«Դիմադրության» շարժման անդամները այսօր երթով Մաշտոցի պողոտայով շարժվեցին դեպի կառավարության 3-րդ մասնաշենք, որտեղ տեղակայված են մի շարք նախարարություններ:
Իշխան Սաղաթելյանը լրագրողների հետ զրույցում ասաց, որ եթե նույնիսկ հանրային ծառայողների հարազատները աջակցություն են հայտնում շարժմանը, իրենց աշխատանքից ազատում են, ուստի սրանով իրենց աջակցությունն են հայտնում աջակիցներին: Բացի այդ, ըստ նրա, պետական շենքերն արգելափակելով՝ ցույց են տալիս, որ Փաշինյանը չունի իշխանություն:
Նա ասաց, որ բոլոր այն խոսակցությունները, թե շարժումը մարում է, սին են, քանի որ այլեւս հնարավոր չէ շարժումը կասեցնել. «Մենք ունենք քայլերի, գործողությունների ծրագիր, որը հետեւողականորեն իրականացնում ենք: Ձեզ չենք հիասթափեցնի, այդ օրն էլ կգա: Մեր նպատակը սա է՝ ինչ-որ մի պահի հասնենք այն աստիճանի, որ խելագարին զեկուցեն՝ այլեւս երկրում կա լիարժեք գերիշխանություն, երկիշխանություն, որը հնարավոր չի կասեցնել: Մենք ամբողջությամբ այդ գծի մեջ ենք եւ հետեւողականորեն առաջ ենք գնում»:
Հարցին՝ ԱԺ վերադառնալո՞ւ եք, որովհետեւ խոսակցություններ կան մամուլում, որ ձեզ ուզում են զրկել մանդատից՝ շատ բացակայությունների համար՝ Իշխան Սաղաթելյանը պատասխանեց. «Այդ մանդատը գիտեք ինչքան երկրորդական է, մենք ժողովրդի մանդատն ունենք»: Ըստ նրա, իշխանությունները իրավիճակին չեն տիրապետում:
Կարդացեք նաև
Հռիփսիմե ՋԵԲԵՋՅԱՆ
