Տավուշի մարզի Վերին Կարմիրաղբյուր բնակավայրում կայացել է ֆուտբոլի հուշամրցաշար՝ նվիրված Արցախյան 44-օրյա պատերազմի ընթացքում նահատակված զինծառայողներ Վահե Մխիթարյանի և Էրիկ Վիրաբյանի հիշատակին: Այդ մասին Aravot.am-ին հայտնեցին Բերդի համայնքապետարանից։ Հուշամրցաշարին մասնակցել են Բերդի,Այգեձորի,Վերին Կարմիրաղբյուրի,Ներքին Կարմիրաղբյուրի, Պառավաքարի, Չորաթանի,Նորաշենի և զորամասի թիմերը:
Առաջին պատվավոր հորիզոնականը զբաղեցրել են Ներքին Կարմիրաղբյուրի, երկրորդ և երրորդ հորիզոնականները՝ համապատասխանաբար Վերին Կարմիրաղբյուրի և Բերդի թիմերը: Գավաթը հաղթող թիմին են հանձնել Վահե Մխիթարյանի և Էրիկ Վիրաբյանի հարազատները: Թիմերը պարգևատրվել են մեդալներով և պատվոգրերով:Հուշամրցաշարի կազմակերպմանն աջակցել են Վերին Կարմիրաղբյուր գյուղից Հարություն Չոբանյանը, Հայաստանի ֆուտբոլի ֆեդերացիան և Բերդի բժշկական կենտրոնի բուժաշխատողները:
Լիա ՃԱՂԱՐՅԱՆ
Կարդացեք նաև
Լուսանկարները՝ Բերդի համայնքապետարանի