Այսօր հրավիրած ասուլիսում ԱԺ արտաքին հարաբերությունների մշտական հանձնաժողովի նախագահ Էդուարդ Աղաջանյանին լրագրողները հարցրեցին՝ օրեր առաջ Անկարան հայ-թուրքական գործընթացը ամենաուղիղ ձեւով կապեց հայ-ադրբեջանականի հետ՝ պահանջելով Զանգեզուրի միջանցքի բացում եւ Բաքվի հետ խաղաղության պայմանագրի կնքում, Երեւանի դիրքորոշումը ո՞րն է այս հարցում ու արդյոք սա պայմանավորվածության խախտում չէ՞, որովհետեւ Հայաստանն ու Թուրքիան պնդում էին, որ հաշտեցման գործընթացն առանց նախապայմանների է, այս իրավիճակում ինչպե՞ս են պատկերացնում հետագա բանակցությունները:
Աղաջանյանը պատասխանեց. «Կարծում եմ, ձեր նշած հայտարարությունը այնուամենայնիվ նախապայման չէր: Թուրքիան ըստ էության մշտապես այս դիրքորոշմամբ է հանդես եկել, որը բնականաբար մեր համար ընդունելի չի եղել: Հայկական կողմը արձանագրել է, որ կա նման խնդիր, արձանագրել է, որ հաճախ թուրքական կողմի հայտարարությունների եւ գործողությունների մեջ ցավոք կա բաժանում եւ, իհարկե, մեր խնդիրներից է ամեն ինչ անել, որ այդ տարանջատումը չլինի կամ առնվազն լինի նվազագույնը: Ես արձանագրում եմ, որ հայկական կողմի դիրքորոշումը չի փոխվել եւ որեւէ նախապայման այս գործընթացում անթույլատրելի է»:
Կարդացեք նաև
Հռիփսիմե ՋԵԲԵՋՅԱՆ
