«Ուզում եմ մի հանգամանքի վրա ձեր ուշադրությունը հրավիրել, որը ենթադրում եմ` հերթական մեծ սկանդալի առիթ է դառնալու, բայց ես չեմ խորշելու դա ասել. 2020-ի պատերազմից հետո ինձ ե՛ւ ուղիղ, ե՛ւ անմիջական հրապարակային հազարավոր հարցեր են հնչել՝ բա ի՞նչ ես արել՝ պատերազմը կանգնեցնելու համար, ոչ մեկը չի հարցրել՝ իսկ որեւէ բան արե՞լ ես հաղթելու համար: Ես սպասում էի: Բա վարչապետ ես, երկրի ղեկավարն ես… Բա՝ Շուշին կտայի՞ր, թե՞ չէիր տա, Շուշին հայկակա՞ն էր մնալու, թե՞ չէր մնալու: Բոլորը հարցրել են՝ ի՞նչ ես արել՝ պատերազմը կանգնեցնելու համար՝ իմանալով պատերազմը կանգնեցնելու քաղաքական գինը: Այս փաստը պատերազմից հետո ինձ տանջող ամենածանր հարցերից մեկն է, որ ոչ մեկը չի հարցրել՝ ինչ-որ բան արե՞լ ես, որ հաղթանակ լինի, ոչ թե պարտություն»,- այսօր ԱԺ-ում հայտարարեց վարչապետ Նիկոլ Փաշինյանը:
Ադրբեջանի ԶՈՒ ստորաբաժանումները ինտենսիվ կրակ են բացել հայկական դիրքերի ուղղությամբ: ԱԺ-ում հայտարարության նախագիծ են պատրաստել: Փաշինյանը խորհրդարան է եկել՝ ներկայացնելու իրավիճակը եւ պատասխանելու պատգամավորների հարցերին:
Ըստ Փաշինյանի, բոլորը մտածել են՝ դե որ պատերազմ լինի, կկանգնեցնեն. «Ո՞նց: Ո՞նց պիտի կանգնեցնես: Եթե դու այդ կամքը չունես, եթե կամքը ապահովող ինստիտուտ չես կառուցել, մեկը կարո՞ղ է բացատրել՝ ո՞նց պետք է կանգնեցնել պատերազմը կամ կանխել պատերազմը, կամ հասնել խաղաղության»:
Կարդացեք նաև
Հռիփսիմե ՋԵԲԵՋՅԱՆ
