«Հունիսի 7-ի ընտրություններից օրեր առաջ էլ մեզ մոտ տարբեր գրասենյակներում վստահված անձանցից մինչև ակտիվիստներ ձերբակալվում էին: Նույն ձեռագիրն է, ոչինչ չի փոխվել, անգամ ԵԽԽՎ զեկույցում դրա վերաբերյալ եվրոպացիների արած դիտողություններից հետո էլի կլասիկ ՔՊ-ն է…», – դատարանի բակում ասաց ԱԺ «Ուժեղ Հայաստան» խմբակցության պատգամավոր Լիանա Մանուկյանը (լուսանկարում):
«Շատ ցավում եմ, որ ձերբակալվել է կին, որը քաղցկեղով հիվանդ է և ունի 3 անչափահաս երեխա: Հանգուցալուծումն այս դատաիրավական համակարգի պայմաններում՝ կարծում եմ բոլորիս համար կանխատեսելի է: Մենք մեկ տարի է՝ այս դատարանի բակում ենք տարբեր առիթներում հավաքվում, ինձ մոտ դեժավյու է արդեն: Դատաիրավական համակարգից մեծ պատրանքներ չունեմ»,- ասաց պատգամավորը:
Նա ընտրողների համար հայտարարություն արեց, որ անկախ իրենց նկատմամբ տարատեսակ ճնշումներից՝ «Ուժեղ Հայաստան»-ը չի հանձնվելու. «Մենք պայքարելու ենք և՛ ԱԺ-ում, և՛, եթե դրա անհրաժեշտությունը լինի, նաև փողոցում»:
Կարդացեք նաև
Գոհար ՀԱԿՈԲՅԱՆ
