Կիրակի՝ դեկտեմբերի 4-ն, Լիեժի Հայ Առաքելական Եկեղեցու հոգևոր հովիվ՝ Հոգշ․ Տ. Մաղաքիա Աբղ. Բեսքիսիզյանը, ընկերակցությամբ ծխական խորհուրդի անդամ Գենջիկ Պետրոսյանի, ներկա գտնվեց քաղաքի ասորի եկեղեցում մատուցված եպիսկոպոսական Սուրբ պատարագին և սիրո ճաշին։
Հայր Սուրբը նախ շնորհակալություն հայտնեց հրավերի համար և Բելգիայի և Ֆրանսիայի Ասորի Ուղղափառ Եկեղեցու առաջնորդ՝ Արքեպս․ Ջորջ Խուրիին փոխանցեց Հայ Առաքելական Եկեղեցու Արևմտյան Եվրոպայի հայրապետական պատվիրակ՝ Գերշ․ Տ. Խաժակ Արքեպս. Պարսամյանի եղբայրական ողջույնները:
Հանդիպման ընթացքում Հայր Սուրբը շնորհավորեց նաև Լիեժի ասորի եկեղեցու հոգևոր հովիվ Արժպ․ Տ. Ֆիկրի Գաբրիելին ձեռնադրության 5-րդ տարեդարձի առիթով և իբրև հուշանվեր Տեր Հորը հայկական խաչ նվիրեց։
Արարողության ավարտին, Հայր Սուրբը և պարոն Պետրոսյանը հրավիրվեցին Ասորի Եկեղեցու առաջնորդի և հավատացյալների սիրո ճաշին, որին ներկա էր նաև Լիեժի Կաթոլիկ Եկեղեցու առաջնորդ Եպս․ Ժան Պիեռ Դելվիլը: Հայր Մաղաքիան, որ առաջին անգամ էր հանդիպում Կաթոլիկ Եկեղեցու առաջնորդին, նրա հետ ջերմ և սիրալիր զրույց ունեցավ, ապա Եպիսկոպոսին հրավիրեց մասնակցելու Հայոց Սուրբ Ծննդյան պատարագին:
Կարդացեք նաև
Սիրո ճաշի վերջում, Հոգշ․ Տ. Մաղաքիա Աբղ. Բեսքիսիզյանը դարձյալ շնորհակալություն հայտնեց Ասորի Եկեղեցու առաջնորդին, Տ. Ֆիկրիին և համայնքին, ջերմ ընդունելության և հյուրասիրության համար և մաղթեց ուրախ տոնական օրեր:
