Կոլումբիայի մայրաքաղաքում շարունակվում է ծանրամարտի աշխարհի տղամարդկանց եւ կանանց առաջնությունը, որը նաեւ Փարիզի օլիմպիական խաղերի վարկանիշային մրցաշարի կարգավիճակ ունի:
Երեկ ուշ գիշեր Հայաստանի հավաքականից Բոգոտայի մրցահարթակում պայքարի մեջ ներգրավվել են 89 կգ քաշայիններ Անդրանիկ Կարապետյանը, որն ընդգրկված էր ուժեղագույնների խմբում եւ Վարդան Մանուկյանը, որը հանդես եկավ «B» խմբում: Փորձառու Անդրանիկ Կարապետյանը երկամարտում ցույց է տվել 352 (166+186) կգ արդյունք եւ բավարարվել 12-րդ տեղով, իսկ Վարդան Մանուկյանը 345 (155+190) կիլոգրամով բավարարվել է 18-րդ հորիզոնականով:
Աշոտ ՀԱԿՈԲՅԱՆ
